Golden-Ship.ru 2014
Тропарь, глас 4.
Уподо́бился еси́ купцу́, и́щущему до́браго би́сера, / славнодержа́вный Влади́мире, / на высоте́ стола́ седя́ ма́тере градо́в, / богоспаса́емаго Ки́ева: / испыту́я же и посыла́я к Ца́рскому гра́ду / уве́дети правосла́вную ве́ру, / обре́л еси́ безце́нный би́сер – Христа́, / избра́вшаго тя, я́ко втора́го Па́вла, / и оттря́сшаго слепоту́ во святе́й купе́ли, / душе́вную, вку́пе и теле́сную. / Те́мже пра́зднуем твое́ успе́ние, / лю́дие твои́ су́ще, / моли́ спасти́ся правосла́вным христиа́ном.
Кондак, глас 8.
Подо́бствовав вели́кому апо́столу Па́влу, в седи́нах, всесла́вне Влади́мире, / вся я́ко младе́нческая мудрова́ния, я́же о и́долех тща́ния оста́вль, / я́ко муж соверше́нный, украси́лся еси́ Боже́ственнаго Креще́ния багряни́цею, / и ны́не, Спа́су Христу́ в весе́лии предстоя́, / моли́ спасти́ся правосла́вным христиа́ном.
